O grupo parlamentario do Partido Socialista presentou esta quinta feira na comisión de Economía do Parlamento galego unha proposición non de lei instando a Xunta a que "dialogue e acorde cos axentes sociais a liña galega de concreción dun pacto de rendas que defenda o poder adquisitivo das persoas traballadoras".
O deputado socialista Gonzalo Caballero acusou o Goberno galego de "agochar a cabeza como a avestruz e solicitou aprobar un paquete de medidas para apoiar o poder adquisitivo das traballadoras e dos traballadores, cun plan específico para os salarios máis baixos.
Ademais, o PSdeG pide "desenvolver unha política económica activa que aborde a modernización económica cara a un modelo produtivo que favoreza maiores salarios" na Galiza.
Para Daniel Pérez (BNG), as propostas do grupo socialista son "pouco claras" e no caso dun pacto de rendas criticou que en Madrid o PSOE apostara pola contención salarial.
Por parte do grupo parlamentario do Partido Popular, a deputada Noelia Pérez defendeu a traxectoria do seu Goberno sinalando que os salarios na Galiza "levan trece anos subindo".
