Carmen Santos declárase “satisfeita” cos resultados obtidos por Podemos nas primarias de En Marea, uns resultados que chegou a cualificar de “magníficos” no que atinxe ás cincunscricións da Coruña e Pontevedra, onde apontou que o partido obtivo 11 representantes e con 3 entre os 5 primeiros pola provincia coruñesa e 4 entre os 5 primeiros pola pontevedresa. A secretaria xeral de Podemos Galiza recoñeceu unha maior dificultade de penetración do partido nas provincias de Lugo e Ourense o que, ao seu entender, “amosa que temos que facer un sobresforzo para traballar nas provincias do interior e nos espazos rurais”. Pese a iso, Santos considera que “estamos nun momento excelente e con forza”.
Respecto da participación no proceso, Santos mostrou o seu agradecemento aos inscritos que participaron no proceso, así como “aos compañeiros e compañeiras de En Marea que tamén, dentro dás posibilidades, facilitáronnos moito a participación”. Santos tamén sinalou que os resultados son moi positivos para En Marea, porque “amosan moito a pluralidade que existe non proxecto”.
Luis Villares
O candidato de En Marea nas eleccións do 25S, Luis Villares, considera que as candidaturas da formación recollen “toda a pluralidade da confluencia” polo que ve moi positiva a configuración das listas, pois “todo o mundo”, sostén, “sentiuse ben representado”.
