O Parlamento galego deu luz verde á reforma da Lei de saúde, a medida reivindicada por Feixoo para xestionar a pandemia que, entre outras accións, contempla a obrigatoriedade de vacinación e inclúe un réxime sancionador que a oposición ve innecesario habendo estado de alarma. BNG e PSdeG critican que se trate dunha lei dirixida a castigar en vez de a reforzar a sanidade. Tamén foi aprobada a Lei de simplificación administrativa, entre protestos de colectivos sociais que denuncian a nova norma por permitir "barra libre" para a explotación do territorio galego.