José Manuel Soria, ministro de Industria, Enerxía e Turismo, aparece na documentación do despacho panameño Mossack Fonseca. En setembro de 1992 o bufete incorporaba UK Lines Limited no rexistro de Bahamas e inscribía como administradores da mesma Tomás Poggio, Méndez Fernández de Lugo e José Manuel Soria. En declaracións á TV 'La Sexta' o ministro manifestou que a compañía offshore era unha sociedade consignataria coa que traballara a empresa familiar.
UK Lines Limited disolveuse en marzo de 1995, semanas antes de que comezase a campaña electoral para as eleccións que levarían Soria á alcaldía das Palmas de Gran Canaria. Mais o nome do ministro desaparece dos documentos moito antes, en novembro de 1992. Unha carta dirixida a Mossack Fonseca pedía cambiar de administradores da compañía posto que un deles fora nomeado de forma errónea. No lugar do actual ministro pedíase poñer como administrador a un seu irmán.
