sábado 29/01/22

O BNG acusa alcaldesa de A Bola de agochar un expediente urbanístico

O grupo da oposición afirma que despois de atoparse con evasivas, tivo que abonar as taxas para conseguir o documento sobre asuntos urbanísticos.
Imaxe do pleno municipal da Bola desta terza feira. (Foto: BNG) #abola #bng #expediente #política #políticamunicipal #denuncia
Imaxe do pleno municipal da Bola desta terza feira. (Foto: BNG)

O BNG de A Bola denunciou esta terza feira a suposta falta de transparencia coa que traballa a alcaldesa, a popular Teresa Barje. En concreto, o partido acusou á rexedora de negar un informe.

“Está obstaculizando a cada paso o labor de oposición e control das dúas concelleiras nacionalistas”, indicaron fontes do partido, que ademais indicaron que finalmente tiveron que pagar polo expediente.

O documento solicitado alude a un tema de obras e o Bloque di que Barje estase a resistir “a facilitar un expediente de reposición da legalidade urbanística de marzo pasado que afecta ás obras nunha propiedade particular”.

En concreto, a portavoz nacionalista, Vanessa García, ingresou esta segunda feira, segundo afirma o grupo- unha taxa de 22,60 euros pola información, malia que o asunto tamén foi a pleno.

O Bloque Nacionalista Galego pensa que se está a ocultar algo porque “o 4 de xaneiro deste ano, Teresa Barje solicitou un informe ao arquitecto municipal en relación a unhas obras nunhas parcelas particulares de Podentes que están incluídas na contorna de protección da igrexa e do cemiterio da Santa María”.

“Cinco meses e medio despois, a alcaldesa non foi quen de explicar no pleno deste martes a razón desa solicitude”, engadiron, pois a alcaldesa só comentou que “había informes técnicos e denuncia de parte”.

Por outra parte, preguntan tamén que sucede co caso “do falso policía”.

A información galega está na túa man!

Subscríbete ao noso boletín de novas.

Date de alta de balde e recibirás unha selección dos nosos artigos para saberes o que acontece.

O BNG acusa alcaldesa de A Bola de agochar un expediente urbanístico
comentarios