Palma de Ouro de Cannes para 'Amour'

A película Amour, do austríaco Michael Haneke, obtivo a Palma de Ouro da 65 edición do Festival de Cannes. Jean-Louis Trintignant e Emmanuelle Riva namoraron en Cans un público moi crítico nun filme que narra unha conmovedora historia sobre unha parella de docentes de música retirados. Ela sofre un accidente cerebral que a afasta da realidade e ambos os dous deben afrontar a situación.

O mexicano Carlos Reygadas alzouse co premio á mellor dirección pola fita 'Post tenebras lux' (Despois das tebras, espero a luz), unha película que chamou a atención da crítica pola súa complexa elaboración. Filmada nos bosques do estado de Morelos, a obra xira en torno a unha familia que abandona a cidade de México para instalarse no campo.

'Reality', do italiano Matteo Garrone, obtivo o gran premio da festa cinematográfica desa cidade da Costa Azul francesa, en tanto que o lauro do xurado foi para 'The angels share', do británico Ken Loach.

O galardón do mellor guión conseguiuno Cristian Monguio coa súa fita 'Dupa dealuri', que tamén logrou o premio compartido á mellor actuación feminina outorgada a Cristina Flutur e Cosmina Stratán.

Como mellor actor foi seleccionado Mads Mikkerlsen do filme Jagten, dirixido por Thomas Vintenberg.