Os comerciantes europeos descargaban as súas mercadorías nos portos próximos, e os diferentes camiños que pasaban pola xurisdición de Mesía foron utilizados por viaxeiros que ían de Betanzos a Compostela, mencionando ademais que se atopa preto do Camiño Inglés, ramal do Camiño de Santiago, que vai desde A Coruña ata Compostela.
O Castelo de Mesía dominaba un amplo territorio con xurisdición propia, o que deu lugar como punto crucial xeográfico a ser escenario de numerosas revoltas, onde se exercía o control do camiño entre as antigas provincias de Betanzos e Compostela. De aí o interese tanto da nobreza galega coma da mitra compostelá por exercer a súa xurisdición.
O concello de Mesía hoxe en día componse de doce parroquias e 156 núcleos. No Antigo Réxime as parroquias da xurisdición de Mesía eran 45, exceptuando a de Cabrui, que pertencía á provincia de Betanzos.
[Podes ler este fascículo completo, dentro do coleccionábel 30 castelos e torres para descubrir un reino, comprando o xornal Nós Diario de hoxe, nos quiosques ou en formato dixital na nosa loxa en liña, a través desta ligazón. Cada día, unha nova entrega, totalmente gratuíta co xornal]