O 96,6% d@s crime@s votaron a prol de volver formar parte de Rusia, de quen @s afastara hai 60 anos (1954) unha decisión arbitraria de Krushev. Esta mesma segunda feira o goberno de Crimea vai pedir a adhesión á Federación Rusa. Ao se coñecer os resultados, as celebracións estendéronse por boa parte de Crimea, con epicentro na súa capital, Simferopol, na Praza Lenine.
Máis do 82% dos habitantes de Crimea con dereito a votar na consulta sobre o futuro desta península exerceron ese dereito. Unha porcentaxe superior mesmo ás previsións manexadas pola organización (falaban dun 70%). SMijaíl Malyshev, presidente da Comisión organizadora, destacou a normalidade e tranquilidade con que decorreru a xornada..
A Praza Leline, en Simferopol, foi o epicentro das celebracións cidadás do resultado
![Publicidade 196064]()
Enquisas a pé de urna citadas por Russia Today falaban dun 93% de apoio á escolla pro-rusa. Outros medios, máis cautos, rebaixaban esa porcentaxe, mais recoñecen que a vitoria pro-rusa ía ser incontestábel e rotunda. Os resultados definitivos superaron os dados: 96,6% a prol de retornar a Rusia. Crimea déitase ucraína e acorda rusa.
Occidente non recoñece a consulta
Malia un millón de persoas participar nesta consulta, nin EUA nin a UE recoñecen o referendo, ao que teiman en cualificar de ilegal. Un posicionamento que quixeron que saíase adiante no Consello de Seguridade da ONU e que non foi posíbel polo veto de Rusia.
Desde as seta da mañá e até as sete do serán estiveron abertos os 1.205 colexios electorais. O primeiro ministro crimeo, Serguéi Aksiónov, foi dos primeiros en votar. Medios, analistas internacionais, chancelarías occidentais.. daban por feito que o resultado vai ser favorábel a que Crimea volva a Rusia. O último censo elaborado (de 2001) sinala que nesta península o 59% dos habitantes son rus@s, por un 24% de ucraín@s e un 12% de tártar@s. Representantes destes últimos, a minoría tártara, chamaron a non votar e boicotar a consulta.
Ampla cobertura
Máis de 600 xornalistas de 170 medios de comunicación estaban acreditados para cubrir esta consulta. Para verificar que a mesma decorrese con normalidade houbo 135 observadores de 23 países.
