sábado 16/10/21
América Latina

Colombia: un goteo de mortes

2020 comezou en Colombia co asasinato de dúas líderes sociais e dous labregos. A incesante violencia responde a varias causas e para Victorino Pérez Prieto, coñecedor de primeira man da situación no país, "pon de manifesto a falsidade do proceso de paz". 
Cuba's President Raul Castro (C) looks as Colombia's President Juan Manuel Santos (L) shakes hands with FARC rebel leader Rodrigo Londono, better known by his nom de guerre Timochenko, after signing a historic ceasefire deal between the Colombian government and FARC rebels in Havana, Cuba, June 23, 2016. REUTERS/Alexandre Meneghini      TPX IMAGES OF THE DAY
O presidente de Colombia, Juan Manuel Santos, e o líder das FARC, 'Timochenko', na sinatura dos acordos de paz de 2016, na Habana (Europa Press)

Segundo un informe elaborado pola Misión de Verificacións das Nacións Unidas para o proceso de paz en Colombia, feito público o pasado 31 de decembro, desde novembro de 2016 ─data dos acordos de paz entre o Goberno e as FARC─ contabilizáronse un total de "303 asasinatos de defensores de dereitos humanos e líderes sociais, 86 dos cales ocorreron en 2019 (incluídas 12 mulleres)".

No mesmo informe tamén se contabilizou o asasinato de 77 ex guerrilleiras e ex guerrilleiros das FARC (alén de 14 desaparicións e 29 intentos de homicidio). Unha cifra que contrasta cos 65 rexistrados en 2018, e os 31 en 2017.

Alén do enfrontamento militar, o asasinato acabou por se converter nunha rápida forma de solucionar problemas en Colombia, un país inundado de armas. "Por menos de 300 euros pódese contratar un sicario", afirma Pérez Prieto.

A información íntegra pode ser consultada na edición en papel de Nós Diario ou na súa lectura na nube.

comentarios