Pinga a pinga. Así está a ser o proceso de privatizacións iniciado pola Xunta de Galiza a respeito da sanidade pública, apuntan desde as Xuntas de persoal dos centros hospitalarios de Vigo onde esta terza feira tiveron lugar senllas concentracións d@s traballador@s.
Os protestos puxeron o acento na privatización do servizo de estirilización hospitalaria. Unha decisión adoptada pola Consellaría de Sanidade e publicada, unicamente, no Diario Oficial da Unión Europea (DOUE).
Esta medida, denuncian desde as Xuntas de persoal, "“irá en detrimento da calidade asistencial nos quirófanos" e mesmo podería "supor un incremento das listaxes de agarda". Mais iso, a respeito da prestación @s utentes pois tamén devirá en novos despedimentos entre @s traballador@s, até 200 no caso dos hospitais vigueses.
Neste senso, as organizacións sindicais reclaman o cesamento das privatizacións e a demisión da conselleira de Sanidade, Rocío Mosquera.