A central nacionalista, nunha primeira valoración de urxencia, rexeita a decisión xudicial e reitera que se trata dun proceso político "que persegue criminalizar o sindicalismo combativo que representa a CIG nun momento de duros ataques contra os dereitos da maioría social, da clase traballadora". Nos vindeiros días realizará unha análise pública máis exhaustiva do contido da sentenza.
O xuizo tivo lugar hai varios días. Pola sala desfilaron arredor de 20 testemuñas, entre policías, gardas xurados , ex responsábeis políticos e sindicalistas, e reproduciuse o contido das gravacións feitas polas cámaras de seguridade do edificio autonómico. En ningún momento, afirmaban desde a central nacionalista naquela altura, quedou acreditada a participación dos acusados nin nos desordes públicos nin nos danos que se lle imputan.