Yolanda Castaño, a poeta que fixo o imposíbel

Yolanda Castaño (Compostela, 1977) vén de recibir o Premio da Cultura Galega logo de que o seu libro Materia (Xerais) conseguise o da Crítica e o Nacional de Poesía, nunha sorte de karma para quen sempre puxo por riba o pulo da escrita á estabilidade material. O difícil, di, foi estar case trinta anos contradicindo a quen lle insistían en que non se podía vivir da poesía e menosprezaban as "rapazas" que "ían de poetas". Co achado na man, vindica as que a precederon e reforza a necesidade de abrir camiño para as que virán, como ela, a facer o imposíbel para alcanzar o que xa non o é.