O silencio que reclama a obra de Leopoldo Nóvoa

O Museo de Lugo acolleu onte a inauguración da exposición Leopoldo Nóvoa. O silencio da pintura, que visa a difundir entre o gran público a obra dun dos artistas galegos con máis proxección internacional, pero aínda pouco coñecido a nivel popular. Unha obra que segue a interpelarnos desde a súa fonda reflexión sobre a violencia e a destrución.