Os Amigos dos Músicos xa se fixeron un oco no corazonciño da escena ‘indie’ galega nestes dous anos nos que nos foron ofrecendo concertos en salas e clubs de todo o país. Pop-folc aveludado e melancólico, de influencias tanto americanas coma galegas, que vén de fichar polo selo madrileño Gran Derby Records, que xa editou en 2015 un sinxelo da banda, que podedes escoitar aquí:
Este verán poderemos velos o 27 de xullo no Sete Flores do Carballiño; o 28 nos Atardeceres do Gaiás en Compostela; o 3 de agosto na Aira das Letras en Allariz e o 7 no Festival Noroeste da Coruña.
Eles defínense así: “Somos seis amigos de berros e loitas, de loito, festa e desemprego musical. Somos seis amigos e algún máis. Algún máis e unha cidade. Ou máis ben un espazo. Ou varios espazos. CAntamos moitos e con moitas voces distintas, ás veces cambiando unhas por outras, como se estivesen enredando para que ninguén os recoñecese nunca. Diso se trata ao final, de enredar”.