Fóra do tempo no que no Centro Cultural situado no centro de Pontevedra se executaron as obras de reforma -tempo no que se realizou no Pazo da Cultura e no Teatro- a Aula Castelao tivo sede fixa no centro dependente da obra social da que era caixa de aforros. A entidade cedía o seu espazo como unha maneira de patrocinio e durante cinco días, en sesións de mañá, tarde e noite, o centro asistia a semana máis poboada, co aforo maiormente completo. Desta volta, coa negativa de Novacaixagalicia, a fundación que xestiona a antiga obra social, as conferencias e debates da Semana de Filosofía terán lugar no Teatro Principal, dependencias municipais que o Concello de Pontevedra cede gratuitamente.
A Semana Galega de Filosofía chega a súa XXX edición que se desenvolverá do 1 ao 5 de abril coa presenza de José Barata Moura, Miren Etxezarreta, Bruno Groppo, Manuel Cruz, Camilo Nogueira, Ramón Regueira, Manuel Rivas, Manuela Carmena e Paula Godinho, entre outras persoas con Josep Fontana na clausura.
