A 27ª edición do Festival de Málaga (do 1 a 10 de marzo) contará no seu programa con sete producións rodadas en galego e outros dous filmes de produción galega rodadas en castelán. A estrea mundial de As Neves, de Sonia Méndez, estará na sección oficial de longametraxes de ficción.
E na sección oficial de cinema documental poderán verse dúas longametraxes: Aurora, primeiro filme de Area Erina, e Salvaxe, salvaxe, debut na longametraxe do director Emilio Fonseca.
O novo traballo de Xacio Baño, Platónico, platónica estarán na sección de curtas e Paula Fuentes e Guillermo Carrera na de realizadores novos, presentando Corre o vento.
No apartado competitivo de curtas de ficción poderá verse O frío, do debutante Pablo Dopazo. E no apartado da competición dedicado ao cine culinario, Amas da Terra, unha curta dirixida por Xisela Franco e producida pola chef Lucía Freitas.
Xa fóra das seccións oficiais, poderá verse Antes de que se poña o sol, de Nani Matos, dentro do ciclo 'Afirmando los derechos de las mujeres'. E no programa de actividades paralelas proxectarase o filme Fatum de Juan Galiñanes.
