Uxía canta con Camané en Braga

Na noite desta quinta feira,22 de outubro, no Espaço Vita de Braga, ás 21.30 horas, e dentro do programa do Festival Cultural Convergências, a cantora galega Uxía actuará xunto co fadista portugués Camané -figura destacada no rexurdir contemporáneo do fado-, nunha colaboración que busca celebrar o fado, mais tamén explorar como este xénero musical universal pode conectar cos sentimentos e a tradición musical galega. Os dous músicos homenaxearán, ademais, Rosalía de Castro e José Afonso.