Resolto o problema na plataforma de receitas que provocou fallos na venta de medicamentos

Un problema informático rexistrado na plataforma de expedir receitas do Servizo Galego de Saúde (Sergas) provocou durante varias horas fallos na venta de medicamentos en farmacias de toda a Galiza. A incidencia ficou resolta na tarde desta terza feira após varias horas de distorsións. As farmacias puideron emitir medicamentos “de maneira intermitente” utilizando un sistema secundario de continxencia.