Piden nove e sete anos de cárcere para dous homes acusados de transportar case catro quilos de heroína
A Audiencia da Coruña xulga esta quinta feira dous homes acusados de transportar case catro quilos de heroína nun vehículo que foi interceptado en Narón. Desde entón, ambos os procesados permanecen en prisión provisional. Para eles, Fiscalía pide nove e sete anos de cárcere e senllas multas que ascenden a un millón de euros por un alixo de droga que, segundo o relato do ministerio público, podería alcanzar unhas ganancias no mercado de 391.201 euros nunha venda a terceiras persoas.
