10/abr./24 - 19:33
Guadi Galego ponlle o ramo á súa xira 'Síntese Horizonte' no Principal de Pontevedra
Guadi Galego visitará Pontevedra este sábado 13 de abril -Teatro Principal, 20 horas- para pór o punto e final á xira de presentación do seu novo directo, Síntese Horizonte. Galego pechará así a tríade de concertos de presentación do seu último LP, Roibén, subindo de novo ás táboas para sorprender ao público cunha proposta exclusiva que pretende ofrecer unha experiencia musical única e transformadora.