Estados Unidos afirma que a axuda militar a Kíiv "detívose por completo"

O portavoz de Seguridade da Casa Branca, John Kirby, sinalou esta sexta feira que a axuda militar dos Estados Unidos de América a Ucraína "detívose por completo" despois de ter enviado "o último paquete" cos fondos asignados, en medio do bloqueo político para aprobar máis orzamento. "É decisivo que o Congreso avance nesta petición suplementaria de seguridade nacional e obteñamos máis fondos", explicou o portavoz. Neste contexto, subliñou que os "ataques que os rusos están levando a cabo non fan máis que aumentar, e por tanto, a necesidade é perentoria neste momento, sobre todo nestes meses de inverno", aseverou.