Redacción
05/feb./24 - 18:41
Entidades agrarias fechan unha táboa de reivindicacións coa vista posta nas mobilizacións
O Sindicato Labrego Galego, Unións Agrarias e a Asociación Agraria da Galiza veñen de dar forma á táboa reivindicativa conxunta que defenderán despois do 18 de febreiro. Tal e como xa anunciaron a pasada semana, as tres organizacións agrarias ven necesario "apostar pola unidade de acción para garantir a mellor defensa dos intereses do sector". Neste sentido, nos vindeiros días fecharán o calendario de mobilizacións para as próximas semanas.