A economía galega medrará 2,1% en 2024, di BBVA Research

O produto interior bruto (PIB) da Galiza crecerá 2,1% en 2024 e 2,2% en 2025, segundo as previsións que actualizou esta cuarta feira BBVA Research, que revisou á alza a previsión de crecemento do PIB do Estado español en 2024, até unha taxa de 2,1% pola mellora do emprego, o consumo e as exportacións de servizos, mais que reduciu o aumento esperado para 2025, até unha porcentaxe de 2%, en liña co menor crecemento previsto na Unión Europea e unha política fiscal máis restritiva. Deste modo, o crecemento da Galiza será igual ao do Estado español en 2024, aínda que se prevé que a alza do PIB galego sexa dúas décimas porcentuais superior ao dato estatal no ano 2025.