56.878 persoas solicitaron o voto por correo na Galiza para o 28-M

56.878 persoas ás que corresponde votar na Galiza nas eleccións municipais do 28 de maio solicitaron exercer este dereito por correo. Nos anteriores comicios locais, foran algo máis de 62.000. Por outra parte, a Xunta Electoral Central (XEC) accedeu á solicitude da Dirección Xeral de Dereitos das Persoas con Discapacidade de que se fagan chegar ás comunidades os kits de voto accesíbel para as persoas con discapacidade visual.