DjMIL publica "Estival", adianto do seu EP 'Osos & Pandeiretas'

Este domingo, 3 de marzo, fíxose público o videoclip de DjMil "Estival", o primeiro adianto do EP Osos & Pandeiretas , que estará dispoñíbel ao completo o vindeiro domingo, 10 de marzo, en streaming. "Estival" conta con letra e coa voz de Jamas, de Dios Ke Te Crew, que tamén se fixo cargo da produción e a posprodución do disco. Lucas Terceiro e Paula Cereixo son as responsábeis da creación do videoclip.