SAU

O monte gaña terreo na Galiza mentres cae a superficie agraria útil. O proceso iniciado tras a incorporación do Estado español ao Mercado Común Europeo agudízase, até o punto de que Galiza é a comunidade con máis superficie agraria abandonada. Así o reflicten os datos que vén de publicar o Ministerio de Agricultura.

Organizacións labregas alertan da gravidade de perder superficie agraria.

A caída da superficie agraria útil favorece o incremento da superficie forestal. A día de hoxe, 33,3% da superficie forestal da Galiza está ocupada polo mato, que supera a superficie cultivada ou a extensión total de prados e pasteiros. O seu avance é consecuencia do abandono rural.

A Galiza ten 512.000 hectáreas de zonas abandonadas e que son potencialmente aptas para o recultivo. Unha potencialidade por explotar e que implicaría a creación de miles de empregos, segundo un estudo de investigadores das universidades de Santiago de Compostela e de Vigo.