PDRA

Ambas as dúas entidades fan pública a alegación ao proxecto da pasteira para a Ulloa na que alertan do impacto na bacía hidrográfica, na calidade das augas do río Ulla e na ría de Arousa, nun escenario de cambio climático. “A contaminación das augas de captación de Altri vai comprometer a saúde pública”. Instan a Xunta que emita unha Declaración de Impacto Ambiental (DIA) desfavorábel.

En xullo de 2021 a Audiencia Nacional estimou un recurso do Concello de Pontevedra e de Greenpeace e declarou ilegal a prórroga que o Goberno español de Mariano Raxoi concedera en 2016 a Ence en Lourizán, na ría pontevedresa. Comezou entón unha disputa entre a empresa, a Xunta da Galiza e o Estado arredor do posíbel traslado da pasteira, algo que Ence sempre considerou “inviábel”

As plataformas en defensa da ría de Arousa (PDRA) e da de Muros-Noia (Plademar) presentaron esta segunda feira un plan de actuación “para salvar os sectores tradicionais do mar da Galiza”. Nel contempla propostas como exención das cotas á Seguridade Social das mariscadoras mentres non se recupere a actividade ou instar a Organización Marítima Internacional  a que declare “zona altamente sensíbel” o Corredor de Fisterra.

A Plataforma en Defensa da Ría de Arousa, Plademar Muros-Noia, confrarías, mexilloeiros e agrupacións de marisqueo  piden un plan de rexeneración vinculado a axudas e actuar sobre os factores que multiplican a mortaldade.