Orzamentos de 2020

O Pleno do Concello de Ourense deu onte luz verde de forma inicial ao proxecto de orzamentos municipais para este ano, os primeiros que se aproban desde 2014, cos únicos apoios do equipo de Goberno –formado por Democracia Ourensana e PP– e o voto negativo de PSOE, BNG e Ciudadanos.

A oposición en bloque cualificou os orzamentos da Xunta da Galiza para o 2020 como “antisociais”, discutiu a visión do contexto económico e institucional presentada polo conselleiro de Facenda, Valeriano Martínez, e cuestionou tanto a capacidade do Goberno Feixoo para ofrecer alternativas para o emprego e os sectores en crise como para executar os seus propios orzamentos. Manuel Lago, do Grupo Común da Esquerda, cifrou en 26.000 millóns “os recortes” da era Feixoo.

O conselleiro de Facenda, Valeriano Martinez, debuxa no debate dos orzamentos da Xunta para 2020 un cadro macroeconómico "prudente" no que prevé reducir o desemprego por baixo de 10% e crear 9.000 postos de traballo máis até chegar "aos 99.000 empregos en catro anos" no marco da estratexia deseñada ao comezo da lexislatura. "Se queren un modelo de éxito, a resposta é Galiza”, sostivo Martínez.

Ao longo desta lexislatura o Goberno de Núñez Feixoo aumentou a partida destinada á educación concertada, que na proposta de 2020 recibe 284.881.136 euros, 12,2% do total.