Diego Bello

"A lei filipina prohibe textualmente a concesión de liberdade baixo fianza a acusados en casos de asasinato como este, dándose, ademais, a circunstancia de que os policías estiveron prófugos da xustiza do seu país durante dez meses antes de entregarse voluntariamente en marzo deste ano", salienta a súa familia, que leva tres anos reclamando xustiza para Bello.

Sobre os tres policías pesaba unha orde xudicial de arresto e prisión sen fianza desde o 25 de marzo do ano pasado.

O equipo de letrados que defende a familia do mozo coruñés asasinado en xaneiro de 2020 en Manila, presuntamente a mans da Policía filipina, quere que o xuízo decorra na capital do país e urxen evitar "presións sobre o xuíz".