O sábado 6 de abril o Partido Galego celebrou o seu Primeiro Congreso Nacional en Cacheiras. Fun convidado a asistir de observador e vou a dar conta do que nel se tratou.
O pleno do Congreso do partido elixíu o cargo a Presidencia que recaeu en Paco Villanueva e a Secretaría Xeral en Miguel Míguez e os membros o Consello Nacional.
No pleno do Congreso do PG aprobáronse os documentos de Resolucións, Tese Política, Liña Estratéxica e Estatutos.
Foron 12 as Resolucións aprobadas, nas que se instou ao goberno a.
- Reclamar a través do Parlamento Galego todas as competencias recollidas no Estatuto de Autonomía e pendentes de transferir dende o goberno do estado.
- Instar a paralización do proxecto de Altri e elaborar un proxecto tecnolóxico e estratéxico de fibra de cánabo industrial.
- Solicitar a transferencia da AP9 e da A54.
- Priorizar no sistema ferroviario español ao Eixo Atlántico ferroviario conectando Portugal con Francia pasando por Galicia (Portugal- Galicia- Euskadi- Francia).
- Apostar pola industria das enerxías renovables par sermos nós os líderes europeos de I+D+i nesas industrias.
- Fomentar o consumo de proximidade.
- Evitar o monocultivo do monte.
- Prestixiar o sector primario (agricultura, gandeiría e pesca) e o traballo manual.
- Defender a lingua galega.
- Dotar de máis recursos aos PAC para mellorar o sistema sanitario galego.
- 12 Rexeitar a invasión de Ucrania por Rusia e a guerra de Israel e Palestina de Gaza.
Na clausura do acto participaron tres forzas políticas, PNV representada por Luke Uribe-Etxebarria que o fixo on- line e trasladou a disposición do seu partido a colaborar no traballo político, BNG representado por Xosé Luis Rivas( Mini) que saudou con cariño aos presentes e Terra Galega. O PG argumentou a existencia de dúas organizacións nacionalistas ou galeguistas que non se pisen entre elas. Unha das organizacións será xenuinamente patriótica e de esquerdas (BNG) e a outra galeguista e de centro dereita (PG) que competirá co electorado do Partido Popular.
A asistencia do BNG a este congreso puxo de manifesto que o Bloque Nacionalista Galego non quere ter unha mala relación co Partido Galego. Cada un de eles competirá por acadar o seu espazo e o seu electorado.
Para rematar o Partido Galego definínese coma un partido para a sociedade galega, democrático, participativo, plural, aconfesional e humanista, aberto ao progreso; en resumo traballamos para a xente, por unha política útil e tendo a Galicia sempre no centro do noso pensamento político.
