Outubro despediuse deixando 3.424 persoas desempregadas máis en Galiza, unha media de 110 cada día. Un dado que contrasta co interanual (últimos doce meses) e nos que o paro rexistrado no noso país baixou en máis de 16.000 persoas.
Novembro comezou con 169.744 persoas rexistradas no desemprego no noso país. Esa suba de 3.424 é porcentualmente un aumento de 2,36%, cifra superior á que de media se rexistrou no conxunto do Estado español nese mesmo mes e que foi de 1,6%.
Tan só a construción tivo un bo comportamento no mes anterior en termos de emprego. Neste sector descendeu o número de persoas rexistradas no paro en 137. En todas as outras actividades aumentou o desemprego: 814 no sector primario, 207 en Industria e 2.573 en servizos.
O número de contratos asinados en outubro foi de 103.484, dos que case 93.500 foron temporais.
No que atinxe a afiliación á Seguridade Social, hai en Galiza 1.013.198 persoas, unha queda mensual de 690 persoas (-0,07%). No interanual as filiacións aumentaron en máis de 25.000 persoas. Nestes doce meses esa suba en afiliados e afiliadas foi de 2,34%, de novo por baixo da media española, cuxa suba foi de 3%.
Para a CIG estes dados son consecuencia das reformas laborais, "que arrasaron cos dereitos da clase traballadora".
