Un home, E.R.A. de 41 anos de idade, faleceu na mañá desta cuarta feira en Vigo tras quedar atrapado nun guindastre mentres traballaba no estaleiro Armón, situado na avenida de Beiramar.
Foi pasadas as 12 horas cando os servizos de emerxencia tiveron constancia dos feitos, despois de que unha chamada alertase de que o home quedara atrapado na máquina.
Até o lugar enviáronse tres ambulancias e persoal médico.
A pesar dos esforzos do equipo sanitario, nada puideron facer para salvarlle a vida.
Segundo fontes do 112 Galiza, o traballador puido ser liberado e atendido no punto polos sanitarios, pero pouco despois faleceu no punto.
No operativo participaron ademais de urxencias sanitarias, a Autoridade Portuaria, a Policía Nacional, a Garda Civil e a Policía Local.
