Un tren impactou contra un coche con varios ocupantes nun paso a nivel na parroquia de Recimil, no municipio de Lugo, pasadas as 9 horas desta cuarta feira.
Segundo se puido coñecer, o accidente deixou un falecido de 21 anos de idade e dous feridos graves que se corresponden cos ocupantes do vehículo.
Segundo informa o 112 Galiza, os servizos sanitarios atópanse atendendo no punto aos ocupantes do vehículo. A circulación ferroviaria mantense cortada. Até o lugar enviouse a un autobús para evacuar aos pasaxeiros.
Entre outros medios, foron mobilizados a Garda Civil, Policía Nacional, Policía Local, Bombeiros de Lugo e persoal de Urxencias Sanitarias da Galiza-061.
![Zona queimada por un incendio en Crecente (A Paradanta). [Imaxe: Adrián Irago / Europa Press]](/asset/zoomcrop,480,270,center,center/media/nosdiario/images/2024/05/01/2024050121174923623.jpg)
