A Plataforma SOS Sanidade Pública convocou unha serie de mobilizacións para a vindeira cuarta feira 26 de abril en apoio á Iniciativa Lexislativa Popular (ILP) en defensa da Atención Primaria.
Segundo informou nun comunicado, estas son as principais actuacións que o colectivo desenvolverá no marco desta data contra unha Xunta da Galiza cuxa "única estratexia", denuncia, é "desmantelar e privatizar" o primeiro nivel asistencial.
SOS Sanidade Pública lembra que a Organización Mundial da Saúde (OMS) refírese á Atención Primaria como a "pedra angular" dos sistemas sanitarios e fixa unha serie de medidas a aplicar nos países de todo o mundo que comparte a plataforma.
"Ningún sistema, por forte que sexa, pode sobrevivir a falta de financiamento, persoal e á mala organización e xestión", advirte o colectivo, que denuncia que até o de agora "as únicas medidas adoptadas" pola Xunta da Galiza eran "meros retoques para suplir" a realidade e suprimir a obriga de dedicación exclusiva".
As mobilizacións
Eis a lista coas diferentes mobilización xa convocadas por SOS Sanidade Pública:
A Coruña – Obelisco – 20 horas
Ferrol – Ambulatorio Fontenla Maristani – 20 horas
Val Miñor – Alameda da Ramallosa – 20 horas
Poio – Centro médico Anafáns – 20 horas
Santiago de Compostela – Centro de Saúde Concepción Arenal – 12 horas
Burela – Centro de Saúde – 20 horas
O Grove – Praza do Corgo – 20 horas
Sanxenxo (dúas convocatorias) – Centro de Saúde de Baltar e Centro de Saúde de Vilalonga – ambas ás 19.30 horas
Vilagarcía – Praza da Galiza – 20.30 horas
Cee – Praza 8 de marzo – 19 horas
Moaña – Casa do Mar – 20 horas
Marín – Centro de Saúde – 20 horas
Cangas – Casa do Concello – 20 horas
A Guarda – Praza Aurelio Vicente – 20 horas
Ribeira – Casa do Concello – 20.30 horas
Lalín – Praza da Igrexa – 19 horas
Verín – Casa do Concello – 20 horas
Laxe – Centro de Saúde – 12 horas
