O Ministerio Público pide cinco anos e seis meses de prisión para un home acusado de abusar sexualmente, de forma continuada dunha menor de 16 anos coa que tiña unha "relación familiar".
Así o informou Fiscalía en relación a un xuízo fixado para esta cuarta feira na sección segunda da Audiencia da Coruña, e cuxa celebración se acordou fose a porta fechada para preservar o dereito á intimidade da vítima.
Polos feitos que se imputan ao home, e ante os que a defensa solicita a absolución por considerar que non están "acreditados os feitos", o Ministerio Público considera que debe imporse ao acusado a prohibición de aproximarse á menor ao seu domicilio e lugar de traballo a unha distancia non inferior a 500 metros, así como a de comunicarse con ela en oito anos.
Tamén expón, no seu escrito de cualificación, unha indemnización á vítima con 24.000 euros polas secuelas e os danos morais causados.
Os feitos
Os feitos tiveron lugar nun domicilio no cal ambos convivían en ocasións no partido xudicial de Carballo durante o verán de 2018, precisa o Ministerio Público.
