A Garda Civil de Cambados (O Salnés) investiga un home, de 56 anos, con domicilio en Vilagarcía de Arousa (na mesma comarca), por tres delitos de fabricación, tenencia e uso de materiais explosivos.
Segundo informa a Garda Civil nun comunicado, nos últimos tempos tívose coñecemento da existencia dalgunha voadura ilegal en terreos de monte arborizado con zonas rochosas para transformalos en terreos dedicados a viñedos.
Así, detectouse unha explotación no monte de Meis (O Salnés), onde pola forma en que se localizan rotas as rochas pode ser compatíbel co uso de métodos ilegais, coa fabricación caseira de pólvora como a máis habitual.
O pasado 10 de xaneiro, observouse un individuo que realiza labores de preparación de voadura de rochas con explosivos. De tal forma, na explotación incautáronse tres quilos de pólvora de fabricación caseira, polo que se procede a investigalo por tres delitos contra a orde pública nas súas variantes de fabricación, tenencia e uso de materias explosivas.
O investigado xa foi detido pola Garda Civil por un feito similar no ano 2005, nunha explotación vitivinícola no mesmo concello de Meis. As dilixencias foron entregadas no xulgado de garda de Cambados.
