“Unha proba de florabilidade”. Así cualifica Lino Sexto, subdirector de Gardacostas da Galiza, dependente da Consellaría de Mar, o polémico saco de pellets amarrado nun cabo que transmitiu a TVG.
Unas declaracións que Lino Sexto foi á propia TVG despois da polémicas que se orixinou nas últimas horas á raíz da imaxe do saco amarrado a un cabo.
O contido compartido pola canle de actualidade G24 ficou no albo da polémica e suscitou centos de reaccións nas redes sociais. Trátase dun vídeo publicado en redes sociais -e a imaxe tamén se retransmitiu nun directo- no que a TVG informa do achado de varios sacos de pellets en diferentes puntos da costa galega que estarían, segundo as súas fontes, na superficie do mar cando se atoparon. A imaxe que ilustra a peza, con todo, non deixou ninguén indiferente.
🔵 PELLETS
— G24 (@G24Noticias) January 13, 2024
Non é o saco dun furtivo ❌
Non é unha boia ❌
📷 Esta é a historia do saco de granulados que se atopou no Grove e que che adiantou G24 e TVG pic.twitter.com/VKPh8Ng0Oc
"Este saco de pellets recolleuno un barco perto do Grove", explican, mentres de fondo pode apreciarse un saco aínda flotando no mar, con pouca carga no seu interior... e amarrado por unha corda. O vídeo prosegue explicando que tamén se atopou outro en Camariñas e conclúe cunha mensaxe que vai na liña na estratexia adoptada pola Xunta da Galiza: "Cada saco que se recolle no mar son granulados que non chegan á costa!".
Agora, Sexto afirma que o saco foi atopado por un barco, feito que comunicou ao centro de Fisterra. “Un axente noso púxose en contacto co patrón [do barco] para que lle fixese unha proba de flotabilidade”, afirma Sexto.
“A foto que se ve é a da proba de flotabilidade que fixo a tripulación”, conclúe.