- "Un coñazo lo del desfile"
- A 'Rojigualda' pero daquela maneira
- "Queremos ir a misa"
- Farol vs paracaidista
Día da Raza, da Resistencia indíxena, do Descubrimento de América, do Respecto á diversidade cultural, da Descolonización, da Liberación, da Interculturalidade, día Panamericano, do Encontro de dous mundos e, na Galiza, o Día dos Mártirtes de Nebra.
O 12 de outubro é coñecido por moitos nomes. Con todo, para as persoas que din sentirse ‘españolas’, nesta data celebran o 'Día da Hispanidade'. Unha data en que o Estado español conmemora o seu pasado colonial cun desfile militar que reúne as máximas autoridades políticas e a monarquía española.
Mais o 12 de outubro tamén ten sido fonte de momentos ben engrazados ao longo dos anos. Eis un pequeno repaso.
"Un coñazo lo del desfile"
Comezamos en 2008, o PP estaba presidido por Mariano Raxoi e o 11 de outubro encontrábase na Coruña nun acto do Partido Popular.
Cuando a Rajoy le parecía un "coñazo" el desfile del Día de la #FiestaNacional y a la vez los @populares nos saqueaban la arcas.
Entonces el facio no pedía dimisiones, ni llamaba "okupa" al presidente, ni le abucheaba porque era de los suyos. #12Octubre pic.twitter.com/YTQqAJVetw— René .｡.:*🌹 Siempre Tw 🐦 (@RenePerle) October 12, 2021![Publicidade 195691]()
Nun momento de descoido, Raxoi, sen saber que tiña o micrófono aceso, pronunciou a famosa frase: “Mañá teño o ‘coñazo’ do desfile... En fin, un plan apasionante”.
As declaracións levantaron tanto po que Raxoi acabou facendo un comunicado pedindo desculpas. "Para aclarar calquera dúbida ou interpretación errónea, quero reiterar a miña coñecida postura de máximo respecto, cariño e apoio ás nosas Forzas Armadas, así como á celebración da Festa", indicou.
A 'Rojigualda' pero daquela maneira
2020, ano marcado pola pandemia e a españolidade sae á rúa polo seu gran día. O ceo despexado en Madrid era ideal para unha das tradicións do evento militar: pintar a ‘rojigualda’ no ceo.
La imagen más espectacular de este #12deOctubre, la de la @patrullaguila dibujando la enseña nacional 🇪🇦 en un cielo despejado sobre la Plaza de la Armería del Palacio Real de Madrid. ¡Gracias por este momento! pic.twitter.com/pkwNNqOwO6
— Patrimonio Nacional (@PatrimNacional) October 12, 2020![Publicidade 196646]()
Os avións C-101 da patrulla Águila, a unidade acrobática do Exército do Ar Español, sobrevoaron o Palacio Real durante o acto oficial co obxectivo de pintar unhas liñas coas cores da bandeira española.
Mais confundiron as cores e as raias que debían ser amarelas apareceron brancas. Ademais, o último avión tamén cometeu un erro e fixo unha franxa branca que debería ser vermella.
"Queremos ir a misa"
Hai moitas consignas que se berran nas manifestacións aos longo e largo do mundo. Poucas veces se tiña ouvido algunha do estilo que os seguidores de Francisco Franco soltaron no Val dos Caídos, agora chamado ‘Cuelgamuros’.
“Queremos ir a misa” berraban os franquistas mentres a Garda Civil, perplexa, lles cortaba o paso nun recinto que se encontraba fechado.
O grupo de extrema dereita quería entrar na igrexa. A Garda Civil, que se ocupa da seguridade do monumento, acabou expulsándoos, o que deixou imaxes de tensión.
Farol vs paracaidista
Talvez o incidente máis coñecido dos últimos anos. 12 de outubro de 2019, presente o rei español Felipe VI, que contemplou a escena con cara de circunstancia.
Un paracaidista coa bandeira de España descende velozmente para realizar unha aterraxe épica no chan madrileño, mais, para a mofa das redes, dito paracaidista encontrou no seu camiño un farol do que ficou pendurado.
As reaccións nas redes burlándose do incidente non tardaron en chegar e recuperarse cada ano.
O ano pasado, outro paracaidista volveu facer o ridículo. Camiñaba até o Paseo da Castellana de Madrid cando a bandeira española que levaba se enredou entre as súas pernas.
Durante uns segundos, a xente recordou o suceso de 2019. Finalmente, o paracaidista conseguiu estender de novo a bandeira e rematar a exhibición.
