Unha forte explosión na noite da cuarta á quinta feira en Ourense, na Finca da Marquesa, deixou 2 persoas feridas de certa gravidade e que tiveron que ser trasladadas ao CHUAC da Coruña e un gran susto entre a veciñanza da zona polo estoupido, que fixo tremer algunhas casas.
A orixe do estoupido podería estar relacionado, segundo se avanzou desde a investigación, cun depósito de gasoil existente na zona.
Mais esta explosión tamén deixa críticas e denuncias polo feito de que este suceso, que se produciu case ao tempo que un pequeno incendio noutro punto da cidade das Burgas, evidencia que a dotación de bombeiros non é a necesaria para Ourense.
Algo que as centrais sindicais levan tempo denunciando, mesmo incidindo no que cualifican e consideran como “pasotismo” por parte do alcalde ourensán, Gonzalo Pérez Xácome.
[VÍDEO] Alertan da escaseza da dotación de bombeiros en Ourense que demostra a explosión na Finca da Marquesa. https://t.co/poLTTsFV9H pic.twitter.com/wD0nrCc8Kk
— Nós Diario (@NosDiario) March 22, 2024![Publicidade 195255]()
Lembran que en 2019 iniciaran un ha serie de mobilizacións e actos para denunciar o curto que é o cadro de persoal e agora, 5 anos despois, o problema mantense e o rexedor “nin nos escoita”.
Inciden en que esta falla de medios supón, principalmente, un risco para a propia poboación, pois entenden que a dotación non é suficiente para afrontar un escenario de varias emerxencias e urxencias coincidentes.
