Unha menor de 15 anos, Thais Fernández Rivera, está desaparecida en Ferrol desde a pasada quinta feira, 25 de xaneiro, segundo vén de alertar a Asociación SOS Desaparecidos. A adolescente mide 1,5 metros de altura, é de complexión delgada e ten o cabelo negro e longo, especifica na información facilitada aos medios.
Para calquera dato a asociación dispón, ademais, os números de teléfonos 649 952 957 e 644 712 806, ademais do contacto por correo electrónico [email protected]. Tamén se pode contactar con efectivos policiais para achegar información que poida axudar a dar co seu paradoiro.
Buscan con drons un home maior desaparecido en Ponteceso
Por outra parte, o equipo de apoio loxístico da central de emerxencias do 112-Galiza está a buscar con drons un home de avanzada idade que desapareceu no municipio coruñés de Ponteceso esta quinta feira, día 1.
As e os familiares do home botárono en falta durante a mañá da quinta e a partir das 12.30 horas arrincou ou operativo de procura, que se centra na parroquia do Couto. No dispositivo participan tamén a Garda Civil, o GES de Ponteceso e Protección Civil.
