O Concello de Nigrán (comarca de Vigo) e o Partido Socialista manifestaron o seu pesar polo falecemento de Manuel Rial Cadaval, alcalde do municipio entre 1999 e 2003.
O concello do que foi rexedor a principios da década dos 2000 decretou tres días de loito oficial pola súa morte.
Tamén manifestou as súas condolencias o PSdeG a través dunha mensaxe nas redes sociais no que envían un abrazo á súa familia e achegados.
Traxectoria
Exempregado de Aena, encabezou as listas do PSOE de Nigrán en 1999 sendo elixido Alcalde co apoio do Partido Independente de Nigrán (PINN) encabezado por Avelino Fernández Alonso que tamén fora alcalde polo PP.
Aos poucos meses rompe o pacto. O PINN e o PP de Nigrán presentan unha moción de censura que fracasa ao non ser apoiada por 5 dos 7 concelleiros do PP.