Sumar Galicia denuncia que un dos seus apoderados en Vigo foi agredido por un apoderado do Partido Popular.
Os sucesos terían lugar arredor das 12.45 horas no colexio electoral de Balaídos, Distrito 4.
Alí, e sempre segundo a versión do partido de Marta Lois, a apoderada do PP estaba “no interior dunha das cabinas manipulando as papeletas e ocultando as dos demais partidos”.
Entón, o apoderado de Sumar, Juan Valverde, “chamoulle a atención, urxíndolle a abandonar a cabina”, respondendo a apoderada do PP “cun empurrón”, provocando que “caese golpeando a cabeza contra unha mesa e quedando inconsciente durante uns minutos”.
“Tras recuperar o coñecemento foi trasladado en ambulancia ao Hospital Álvaro Cunqueiro, onde se atopa nestes momentos á espera de valoración médica”, apunta Sumar.
“Os servizos xurídicos de Sumar estudan o exercicio das accións legais que puideren corresponder”, conclúen.
