acho.- Anaco pequeno resultante de partir madeira, acha.
Exemplo.- “Partiu uns achos para queimar na cociña e facer a cea.”
Lugar de escoita.- O Morrazo.
Fonte.- Emma Pazos Abalde.
Outros apuntamentos.- Grupo Maré do Morrazo, formado por Salvador Castro Otero, Lucía Durán Paredes, Xosé Manuel González Barreiro, Henrique Harguindey Banet, Xosé Martínez García, Ramón Rocamonde Gómez e María Emma Tilves Pazos.
ghabiete ou ghablete.- Tipo de roldana.
Lugar de escoita.- Muxía.
Fonte.- Proxecto Buserana de Muxía.
invarse.- Facer quendas ou remudas para ir xantar á casa os mozos que coidaban a facenda no monte.
Lugar de escoita.- Navia de Suarna.
Fonte.- Ovidio Fernández Sánchez/Endl Navia de Suarna.
rangareta/rangaretar.- Apeiro de labranza similar a un legón (aquí: loghón) para remover de forma superficial a terra e que ten a pa recortada en forma de tres dentes redondeados. O verbo correspondente para esa acción é rangaretar.
Lugar de escoita.- Santa María de Taboexa (As Neves).
Fonte.- María Isabel Fernández Vidal.
rapaña.- Angazo.
Lugar de escoita.- Cervantes.
Fonte.- Suzana de Páramo.
