afurruxar.- Cubrirse un metal de óxido ou de ferruxe.
Exemplo.- “Es ben badanas, oh, sempre tes as ferramentas todas afurruxadas.”
Lugar de escoita.- Sober.
Fonte.- Ramón Sandoval.
chiribico.- (Ademais de significados xa rexistrados) Aspersor.
Exemplo.- “Hai que poñer o chiribico para regar o millo.”
Lugar de escoita.- Santo André de Cesar (Caldas de Reis).
Fonte.- María Cristina Fontenla González.
Outros apuntamentos.- Centro de Día de Portas.
fotelo/futelo.- Aparello que serve para comunicarse a distancia, teléfono. Tamén se chama tutelo.
Exemplo.- “Á tardiña douche unha chamada polo futelo.”
Lugar de escoita.- O Morrazo.
Fonte.- Josefa Cerqueiro.
Outros apuntamentos.- Grupo Maré do Morrazo, formado por Salvador Castro Otero, Lucía Durán Paredes, Xosé Manuel González Barreiro, Henrique Harguindey Banet, Xosé Martínez García, Ramón Rocamonde Gómez e María Emma Tilves Pazos.
terrulo.- Tipo de muíño que funciona coa enerxía da auga.
Exemplo.- “Onte estiven a moer no terrulo.”
Lugar de escoita.- A Coruña.
Fonte.- Martín Villamarín Bello.
virandelo.- Pequeno muíño coas aspas de papel, xoguete. Utilízase tamén para referirse aos muíños eólicos.
Exemplo.- “Encheron o monte de virandelos.”
Lugar de escoita.- San Mamede de Carnota.
Fonte.- Mar Llinares García.
zambucho.- Espazo que se atopa debaixo do asento das motos e que se empega para gardar cousas como a documentación do vehículo ou un casco.
Lugar de escoita.- Sanguiñeda, Mos.
Fonte.- Alexandre Coia.
Outros apuntamentos.- Desde a APAMP (Vigo).
