Vox quere que as e os madrileños colapsen Madrid este luns, malia ser festivo e pesar a recomendación sanitaria de ficar na casa, cunha manifestación en coche contra a decisión do Consello de Ministros de confinar a comunidade para intentar frear os contaxios de coronavirus.
A formación pretende facer coincidir coa “Festa Nacional” o atasco contra “a incompetencia” do Goberno do Estado español.
O partido entende que a imposición do feche de Madrid pola preocupante situación epidemiolóxica responde a unhas medidas “totalitarias e absurdas” de Sanidade para loitas contra a pandemia.
“Fagamos da festa Nacional un grito á liberdade”, pediu o partido que dirixe Santiago Abascal, que xa fixo correr a convocatoria polas redes sociais. A pretensión é colapsar a comunidade, ou polo menos algúns concellos, malia o risco existente de estar expostas ao virus.
Vox, que tamén cita ao resto das españolas e españois a concentrarse nas prazas das cidades do Estado, demanda que se acuda “coa bandeira da liberdade, a de España”.
Así mesmo, anuncia que nestes encontros reclamará “a dimisión do Goberno criminal da mafia e iniciar por fin a recuperación de España”.
“España sufre ao peor goberno: a un goberno criminal que só trae ruína e morte, que só sabe de totalitarismo e arbitrariedad, nun momento crítico para España”, dixo Abascal, que cre que ante o equipo de Pedro Sánchez hai unha “indefensión” do pobo español.
