Segundo un video difundido nas redes sociais, o Kremlin, sede do Goberno ruso, sufriu un ataque con drons na madrugada desta cuarta feira.
Astonishing footage of last night's drone attack on the Kremlin pic.twitter.com/3rghCHdIed
— Francis Scarr (@francis_scarr) May 3, 2023
Esta acción é considerada como un “intento de asasinato” contra o presidente Vladimir Putin, sinalou o Kremlin, que cualificou o ataque como un “acto terrorista planificado”.
"Como resultado das accións oportunas tomadas polos servizos militares e especiais co uso de sistemas de guerra por radar, os vehículos quedaron fóra de servizo", precisou o servizo de prensa do Kremlin, agregando que dous vehículos aéreos non tripulados apuntaban ao Kremlin.
"Consideramos estas accións como un acto terrorista planificado e un atentado contra o presidente, realizado en vésperas do Día da Vitoria, o Desfile do 9 de Maio, no cal tamén está prevista a presenza de invitados estranxeiros", agregou.
Nin Putin nin ningunha outra persoa resultou ferida no ataque. O horario de traballo do mandatario non cambiou, aseguran desde o Goberno ruso.
Tampouco se produciron danos materiais por mor dos fragmentos de drons que caeron no Kremlin.
Posíbeis represalias
"A parte rusa resérvase o dereito de tomar medidas de represalia onde e cando o considere oportuno", declarou o servizo de prensa do Kremlin.
