Israel asasinou 142 cooperantes e máis de 107 xornalistas en Palestina desde o 7 de outubro

Un total de 142 cooperantes da Axencia das Nacións Unidas para as Refuxiadas de Palestina en Oriente Próximo (Unwra, polas súas siglas en inglés) e 81 xornalistas foron asasinados na Faixa de Gaza desde o 7 de outubro de 2023. Así o constata o informe anual da Campaña Emblema de Prensa (PEC) para o ano 2023 e o informe actualizado da situación en Gaza, emitido pola Unwra o pasado 29 de decembro. Porén, a cifra de xornalistas podería ser maior, e datos das autoridades gazatís trasladados a Nós Diario por BDS Vigo situarían o número de periodistas asasinados a mans do exército israelí en máis de 107. A axencia da ONU tamén referiu un total de 1,37 millóns de persoas desprazadas internas refuxiadas en 156 instalacións da Unrwa nas cinco gobernacións da Faixa, incluídos 160.000 no norte e na cidade de Gaza, e aproximadamente 500.000 nas inmediacións destas instalacións e recibindo asistencia de Unrwa. A 25 de decembro, 1,88 millóns de desprazadas internas recibían asistencia da Unrwa. Continúan os bombardeos israelís nunha Faixa de Gaza que leva case dúas semanas sen medicamentos Os ataques do Estado de Israel tamén teñen o albo nas instalacións humanitarias, reportándose diferentes incidentes que afectaron as instalacións da Unrwa e as persoas desprazadas internas que se refuxiaban alí. Os datos achegados pola ONU sinalan a que dous refuxiados na escola secundaria de Maghazi morreron o 25 de decembro e un resultou ferido. Ademais, desde o comezo da guerra denunciáronse 193 incidentes que afectaron as instalacións da Unrwa e as persoas que se atopaban nelas, incluíndo 60 ataques directos que causaron a morte de 308 persoas refuxiadas. Cando menos outras 1.095 resultaron feridas desde que Israel intensificou os seus ataques sobre Palestina. A pesar do constante acoso do Exército israelí, a Unwra continúa a prestar servizos médicos e apoio psicosocial, mantendo en funcionamento tan só oito dos seus 22 centros de saúde. O ano máis mortífero para o xornalismo 2023 foi o ano máis mortífero da última década para o xornalismo Con -cando menos- 140 xornalistas asasinados, 2023 foi o máis mortífero dos últimos dez anos, segundo anunciou o PEC en Xenebra. Dous terzos das vítimas rexistráronse en Oriente Medio, con case un xornalista morto por día nos últimos tres meses do ano. Segundo a ONG, trataríanse de traballadores e traballadoras palestinas, a maioría dos cales desempeñaban o seu labor para varios medios de comunicación, incluídos medios estranxeiros. "Morreron en ataques israelís indiscriminados, con frecuencia nos seus fogares, xunto coas súas familias", valora o informe. "Condenamos estes ataques indiscriminados que non diferencian entre civís e combatentes", afirmou a semana pasada o presidente da PEC, Blaise Lempen. Unha condena á que se sumaron esta segunda feira ducias de xornalistas galegas nunha concentración decorrida en Vigo coa que desde BDS Vigo buscaron "visibilizar e denunciar a barbarie e o masacre de civís". "Ademais de atacar os edificios onde viven os xornalistas, os seus auomóbiles e á súas familias, o exército de Israel destruíu deliberadamente edificios que albergaban a más de 50 medios de comunicación en Gaza, como a Casa de Prensa Palestina", sinalaron esta segunda feira desde o colectivo Boicot, Desinvestimento e Sancións da cidade olívica.. "O Exército israelí levou a cabo a destrución sistemática dos medios palestinos en Gaza", denuncia a PEC "Se ben é difícil verificar se os xornalistas foron atacados intencionadamente ou non, o Exército israelí levou a cabo a destrución sistemática dos medios palestinos en Gaza bombardeando as súas oficinas e instalacións", engadiu Lempen. Segundo a PEC, trátase do maior número de vítimas entre os medios de comunicación durante un conflito en tan pouco tempo. A organización tamén lamentou que o acceso dos medios estranxeiros á Faixa de Gaza siga sendo "intransitábel" debido ás condicións de seguridade, o que impide "unha información independente das partes dun conflito". Máis de 10 crianzas mutiladas ao día en Gaza: este é o resultado de tres meses de asedio Fóra da Faixa de Gaza, 59 xornalistas foron asasinados en 29 Estados durante 2023 e en comparación do total mundial con 2022, ano marcado polo inicio da guerra en Ucraína e que rexistrou 116 profesionais da comunicación mortos, o aumento do número de vítimas supera o 20%. Pablo González, case dous anos encarcerado Precisamente, a noite do 27 ao 28 de febreiro de 2022, cando se atopaba na localidade polaca de Przemyśl cubrindo para varios medios a crise migratoria provocada polo inicio da guerra en Ucraína, o xornalista Pablo González foi detido polas autoridades polacas na fronteira deste Estado con Ucraína, sendo acusado de ser un espía ruso. Esta acusación, a de participar en actividades de intelixencia estranxeira contra Polonia e ser un axente do Departamento Central de Intelixencia ruso pode supor a condena de até dez anos de cárcere segundo o Código Penal de Polonia. González permanece incomunicado desde esta data sen apenas contacto coa súa familia. Máis de 670 días sen que as autoridades polacas foran quen de probar as acusacións contra o xornalista, e pouco se sabe da súa situación, un estado que permanecerá cando menos, até o 18 de febreiro, data até a que o Tribunal de Apelación de Lublin prorrogou o encarceramento preventivo do xornalista vasco. Israel ataca Líbano e ameaza con que "se acaba o tempo" para evitar que a guerra se estenda Dez días máis tarde, o 28 de febreiro, González fará dous anos detido, o tempo máximo de prisión preventiva que recoñece a Unión Europea para casos que aínda non foron sentenciados. Os movementos do Estado español para preocuparse pola situación deste xornalista foron discretos, algo que foi criticado tanto polo gremio como por formacións políticas.