O presunto terrorista, de 22 de anos de idade, abandonou a furgoneta alugada que empregara após o atropelo e despois de se pór uns lentes de sol adentrouse no mercado da Boquería. Mesturándose coa multitude, chegou até a parte traseira do mercado e dende alí continuou polas rúas do Raval a bon paso pero sen correr para non chamar a atención. Actualmente estase a traballar coa hipótese de que actuaba só.
Forn apuntou que sobre Abouyaaqoub pesa agora unha orde de busca e captura. O conseller afirmou que non hai indicios de o sospeitoso se atopar fóra de Catalunya pero que se está a traballar coordinadamente coa policía doutros países de Europa, sendo que está en búsqueda en todos eles.
Todo apunta a que o atentado de Barcelona e o incidente na Diagonal (un Ford Focus saltouse un control e apareceu pouco despois en Sant Just Desvern) están relacionados, tal e como engadía Forn. O conseller sinalou ademais, que o imán de Ripoll, pretensamente implicado no atentado, non tiña antecedentes coñecidos. A seguridade non foi elevada ao nivel 5 polo momento, sendo que, “nestos momentos,” en palabras de Joaquim Forn, “desbótase un ataque inminente”.
