Arkaitz Bellón, preso basco na cadea de Puerto de Santamaría, foi atopado morto esta cuarta feira na súa cela, segundo recolle o diario dixital Naiz. Bellón cumpría unha condena de 13 anos de cadea por actos de kale borroka. En maio deste ano, 2014, sairía en liberdade.
Durante a súa estadía en prisión, o preso denunciou até en tres ocasións ter recibido malleiras dos funcionarios de prisión, desta volta nas cadeas de Puerto III (2010) e Alxeciras (2008) onde cumpría condena con anterioridade. Encarcerado desde o 2000, Arkaitz Bellón sairía de prisión o vindeiro mes de maio.
Bellón fora condenado pola Audiencia Nacional en 2003 canda outros dous mozos pola queima de dous autobuses e caixeiros durante a vaga de protestos acontecida na Semana Grande de Donosti do ano 2000.
![[Imaxe: @Larbelaitz]](/asset/zoomcrop,480,270,center,center/media/nosdiario/images/2016/01/10/2016011010221171635.jpg)