Mª Do Carme García-Negro: "Polo que se viviu no accidente do Prestige non se aprendeu moito dos anteriores accidentes"

María do Carme García-Negro (Lugo, 1950) é unha referencia inescusábel para os estudos pesqueiros na Galiza. Doutora en Ciencias Económicas e Empresariais pola Universidade de Santiago de Compostela (USC) e profesora de Economía Aplicada no referido centro educativo, dirixiu durante anos o Grupo de Investigación de Economía Pesqueira da USC. Nesta conversa, repasa para Sermos Galiza o impacto do Prestige na economía galega e analiza a situación do sector pesqueiro na actualidade.